第一次整完請個鍾意食野的人試，佢話好甜ｗｏ，都唔知係個蛋糕甜定．．．．．，所以今次減左十克糖＆十克榛子醬，今晚帶返隊等你們試食，食完記得比意見。Thank you for your comments.

整le個餅既時候，都諗左好耐，整凍好定焗好?最後決定整凍餅，不過餅面就好普通，用左麥提沙&花瓣朱古力。因為我諗唔到整咩好?

起初我只做了麥提沙朱古力糯米糍，層經有兩個朋友試過，一個出名嘴饞，一個鐘意食。佢地都有同一番話，咬落去時候軟綿綿，但咬到麥提沙感覺好唔同，應該成粒軟綿綿先好味!所以我就問佢兩個，佢兩個都叫我自己諗wo.最後我決定放明治雪吻朱古力!唔知好唔好味呢?

今次我個同事好環保,佢竟然問:個蛋糕盒沒有弄污,你要唔要返,我當然要啦!可以環保d!

佢仲問係咩蛋糕,點解綠色,但有d似朱古力味! 係oreo cheese cake.

好唔好味呢?le款係我第一次整!

Le個蛋糕係9/6/09送比你，生日快樂!

係你既字典裹面得一個字就係 “食”

食得雖然是福，但睇下你食到你既身型，嘩嘩聲

為左你健康，所以我唔會再整甜品比你食啦!

等你減肥成功先有得食!

一早起來,當然準備材料整芒果糯米慈,點知發覺係2009年4月12日買的新鮮椰絲變左黃色唔用得,我記得好清楚我係青衣街市買,個老板娘仲話:方心啦,買多d啦,我d椰絲可以放係雪櫃一年都唔壞,點解我咁好記性記得邊一日,因為當日我當完"粵劇齊齊嘗"跟住走去青衣街市買左:糯米粉,粘米粉,澄麵同新鮮椰絲.老板娘唔該你唔好講大話啦!一個半月的時間就變左黃色,你估我會唔會再來買野?

就係因為講錯一句說話:所以就要整砵仔糕,個個同事日日都提"砵仔糕"真係煩,佢又唔知我要買到雙砵先得嫁,終於比我係上海街買到啦!價錢由$1.5-$2.5都買到一隻,其實係有分別,徐左大細有d分別外,面個層油都有分別,因為我去左兩間買,先買到11隻.

幾個月前，表妹話想食士多啤利芝士蛋糕，我就話等你生日我送比你啦!明天就係你生日，因為某D原因，所以改為今晚送比你，靚唔靚呢?

LE個蛋糕係還人情，之前D同事話我唔環保，因為D蛋糕盒用一次就唔要，佢地提議我用碟，所以今次用碟，我仲想叫佢請另一個同事食，點知佢話唔係係公司食，佢話拎走WO!

7/2/09 晚荃灣隊的party，我負責整一底紅豆糕同馬豆糕。尋晚我好努力整糕，最後整左3底椰汁馬豆糕，同兩底椰汁紅豆糕。